سەردانیکردنی قوتابخانەی بنەسڵاوەی بنەڕەتی کوڕان

ئەمرۆ چوارشەمە 8/11/2023، قوتابیانی قۆناغی دووەمی بەشی پەرستاری هەڵسان بە سەردانیکردنی قوتابخانەی بنەسڵاوەی بنەڕەتی کوڕان کە تیایدا چەند وانەیەکی تەندروستیان پێشکەش بە قوتابیانی قوتابخانەکە کرد هەروەها چەند ڕێنماییەکیان پێدان بۆ خۆ پاراستن لە نەخۆشییە گواستراوەکان وە لە کۆتایدا ستافی بەڕێوەبەرایەتی قوتابخانە دەستخۆشیان لە پەیمانگای تەکنیکی گەشە کرد.
+2
All reactions:

Darawan T. Blbas and 128 others

کۆرسێکی راهێنان لەسەر (بزنس و پرۆژەی بچوک) بەڕێوەچوو

پەیمانگای تەکنیکی گەشە بەهەماهەنگی لەگەڵ رێکخراوی فریاکەوتنی میلی و بەهاوکاری پرۆژەی بەرنامەی گەشەپێدان کۆرسێکی راهێنانی لەژێر ناونیشانی (راهێنانی قوتابیان لەسەر پرۆژەی بچوک) لەبەرواری ١٧ تا ١٩ / ٢٠٢٢/٤ بۆ قوتابیانی پەیمانگە کردەوە.
ئامانج لە کۆرسەکە بریتیبوو لە بەهێزکردنی توانای قوتابییان بۆ بنیاتنانی پرۆژەی تایبەت بە خۆیان و بەهێزکردنی دەستی کار لە کەرتی تایبەت. راهێنەرانی کۆرسەکە پێکهاتبون لە بەرێزان (د. سوهەیلە محمد، م. جوان مولود، م. عبداللە سعید، م. ئیمان حەمەد، م.شهێن جمال ).
لەکۆتایی کۆرسەکەشدا قوتابییان بیرۆکەی خۆیان پێشکەش بە سەرپەرشتیاران و مامۆستایان کرد بە مەبەستی بەشداریکردنیان لە و پێشبرکێیانەی رێکخراوی ناوبراو ئەنجامی دەدات بۆ هەڵبژاردنی باشترین بیرۆکەی پرۆژە .
پەیمانگەی تەکنیکی گەشە بۆ ئەمساڵی خوێندنی ئەکادیمی ۲۰۲۱-٢٠٢٢، پلانی بەرێوەبەرایەتی ئەکادیمی و دڵنیایی جۆری جێبەجێدەکات کە بەشێکی پلانەکە کۆرسی راهێنانە لە پێناو بەهێزکردن و گەشەپێدانی توانا و لێهاتووییەکانی قوتابیان.
پەیمانگەی تەکنیکی گەشە، ساڵی ٢٠١٦ دامەزراوە و بە یەکێک لە باشترین پەیمانگە ئەھلییەکانی کوردستان دادەنرێت و لە ئێستادا قوتابییان لە پێنج بەشی «دەرمانسازی، پەرستاری، ئینگلیزی، دروستکردنی ددان و ژمێریاری» دەخوێنن.

 

 

کۆرسی راهێنانی بەشی دروستکردنی ددانی پەیمانگەی تەکنیکی گەشە

ڕۆژی پێنجشەممە ۱۸/٨/٢٠٢٢ کۆتا ڕۆژی کۆرسی ڕاهێنانی بەشی دروستکردنی ددان بەڕێوەچوو بۆ بەڕێزان: ‎(د. ژاڵە دارا میران)‎ (بەهارات پوجاری، دادیار عومەر حمەعەلی) ‎
‎پەیمانگەی تەکنیکی گەشە، ساڵی ٢٠١٦ دامەزراوە و بە یەکێک لە باشترین پەیمانگە ئەھلییەکانی کوردستان دادەنرێت و لە ئێستادا قوتابییان لە پێنج بەشی «دەرمانسازی، پەرستاری، ئینگلیزی، دروستکردنی ددان و ژمێریاری» پەرە بە تواناکانیان دەدەن.
 

پەیمانگەی تەکنیکی گەشە بڕوانامەی (ئای سۆی)ی نوێکردەوە

رۆژی یەکشەممە ١٢/٦/٢٠٢٢ بە سەرپەرشتی بەڕێز د. ئەڤین فتاح حاجی مام ڕاگری پەیمانگەی تەکنیکی گەشە ئەنجومەنی پەیمانگەی تەکنیکی گەشە کۆبوویەوە.
لە سەرەتای کۆبوونەوەکەدا ڕاگری پەیمانگە بە بۆنەی کۆتایی هاتنی تاقیکردنەوەکانی خولی یەکەمی کۆتایی ساڵ (وەرزی دووەم)ەوە پیرۆزبایی لە قوتابیان و مامۆستایان کرد و سوپاسی لیژنەی تاقیکردنەوەکان و لیژنە تایبەتمەندەکانی کرد کە سەرکەوتووانە پڕۆسەی تاقیکردنەوەکانیان بە ئەنجام گەیاندووە.
لە بەشێکیتری وتەکانیدا ڕاگری پەیمانگەی تەکنیکی گەشە، ئاماژەی بە ئامادەکارییەکان بۆ راگەیاندنی ئەنجامی تاقیکردنەوەکان کرد و جەختیلەسەر بەرپاکردنی دادپەروەری کردەوە و دەستخۆشی لە بەڕێوەبەرایەتییەکان و سەرۆکایەتی بەشەکان و لیژنەکان کرد و هیوای سەرکەوتنی بۆ قوتابیان خواست.
لە بەشێکیتری کۆبوونەوەکەدا گفتوگۆ لەسەر پرۆسەی دڵنیایی جۆری ساڵی خوێندنی ٢٠٢١-٢٠٢٢ کرا و بەڕیوەبەرایەتی ئەکادیمی و دڵنیایی جۆری پەیمانگە راپۆرتی هەڵسەنگاندنی پرۆسەکەیان پێشکەش کرد.
لە تەوەرێکیتری کۆبوونەوەشدا ئاماژە بە نوێکردنەوەی بڕوانامەی (ئای سۆی)ی پەیمانگەی تەکنیکی گەشەکرا و پیرۆزبایی لە ستاف و بەڕێوەبەران کرا کە پەیمانگە گەشتووەتە ئاستێکی بەرزی ستانداردی کارگێڕی و دامەزراوەیی.
لە کۆبوونەوەکەدا بەڕێوەبەرایەتی تەندروستی و سەلامەتی پەیمانگەی تەکنیکی گەشە ڕاپۆرتی خۆیان لەسەر پرۆسەی نوێکردنەوەی تاقیگەکان و رێککارە تەندروستی و سەلامەتییەکانی پەیمانگە پێشکەش کرد.
پەیمانگەی تەکنیکی گەشە، ساڵی ٢٠١٦ دامەزراوە و بە یەکێک لە باشترین پەیمانگە ئەھلییەکانی کوردستان دادەنرێت و لە ئێستادا قوتابییان لە پێنج بەشی «دەرمانسازی، پەرستاری، ئینگلیزی، دروستکردنی ددان و ژمێریاری» دەخوێنن.

 

 

سیمینارێک لە سەر بەئۆنلاینکردنی سیستەمی خوێندن بەڕێوەچوو

بەمەبەستی خێراکردنی خستنەسەرپێی کارەکان و بە ئۆنلاینکردنی سیستەمی خوێندن و دڵنیایی جۆری، رۆژی دووشەممە ٢٠٢٢/٥/١٦ کاتژمێر ١:٠٠ ی پاشنیوەڕۆ، سیمینارێک تایبەت بە چۆنیەتی خۆتۆمارکردن لە سایتی تایبەت بە پەیمانگای تەکنیکی گەشە، بۆ بەڕێز ئەندازیار(هێرش محمود) بەڕێوەبەری تەكنەلۆژیای زانیاری کۆمپانیای گەشە بۆ پەروەردە و خوێندن بەڕێوەچوو.
لە سیمینارەکەدا پێشکەشکار، بە شێوەی کرداری پرۆسەی بە ئۆنلاینکردنی سیستەمی خوێندن و دڵنیایی جۆری روونکردەوە و وەڵامی پرسیاری ئامادەبووانی دایەوە.
پەیمانگەی تەکنیکی گەشە، ساڵی ٢٠١٦ دامەزراوە و بە یەکێک لە باشترین پەیمانگە ئەھلییەکانی کوردستان دادەنرێت و لە ئێستادا قوتابییان لە پێنج بەشی «دەرمانسازی، پەرستاری، ئینگلیزی، دروستکردنی ددان و ژمێریاری» پەرە بە تواناکانیان دەدەن.

د. بەختیار تاڵەبانی لە پەیمانگەی تەکنیکی گەشە بوو

د. بەختیار تاڵەبانی راهێنەری نێودەوڵەتی و مامۆستای زانکۆ لە پەیمانگەی تەکنیکی گەشە سیمینارێکی پێشکەشکرد و لە لایەن بەڕێز د. ئەڤین فتاح حاجی مام ڕاگری پەیمانگەی تەکنیکی گەشەوە رێزلێنانی پێشکەشکرا.
ئەمرۆ یەکشەممە ٨/٥/٢٠٢٢ کاتژمێر ١٢:٠٠ی نیوەڕۆ، بەڕێوەبەرایەتی ئەکادیمی و دڵنیایی جۆری پەیمانگەی تەکنیکی گەشە لە ژێر ناونیشانی (چۆن پەیمانگە بکەمە وێستگەی سەرکەوتنەکانی ژیانم؟) سیمینارێکی بۆ بەڕێز (پرۆفیسۆری یاریدەدەر د. بەختیار کەمال تاڵەبانی) راهێنەری نێودەوڵەتی و مامۆستای زانکۆ ساز کرد.
سیمینارەکە چەند تەوەرێکی گرنگ لەخۆگرتبوو: ژیانی ئەکادیمی، سۆشیاڵ میدیا، شکست و سەرکەوتن، چۆنیەتی سودوەرگرتن لە بڕوانامە و تواناکان … تاد.
لە سیمینارەکەدا د. بەختیار تاڵەبانی تیشکی خستە سەر ژیانی ئەکادیمی قوتابیان و رێگاکانی سەرکەوتنی روونکردەوە، ئاماژەی بەوەشکرد، قوتابیان و دەرچووانی پەیمانگە دەبێ بزانن کە پاش بە دەستهێنانی بڕوانامەی پەیمانگە چەندین دەرگای جیاوازیان بۆ دەکرێتەوە گرنگە بتوانن پاش خۆناسین، هەڵبژاردنی دەوروبەر و ژینگەیەکی تەندروست، و چۆنیەتی هەڵگرتنی بەرپرسیارییەتی سود لە دەرفەتەکان وەربگرن.
لە بەشێکیتری سیمینارەکەیدا د. بەختیار تاڵەبانی، ئەزموونی چەند کەسایەتییەکی بۆ ئامادەبووان گێڕایەوە و جەختیکردەوە کە جیهانی دیجیتاڵ میدیا و سۆشیاڵ میدیا دەتوانرێت رێگایەکی هاریکاری سەرەکی و ئاسانی بەدەستهێنانی سەرکەوتن بێت.
لە کۆتایی سیمینارەکەشدا گفتوگۆ لە سەر پرسیاری قوتابیان کرا و وەڵامی پرسیارەکان درایەوە.
پەیمانگەی تەکنیکی گەشە بۆ ئەمساڵی خوێندنی ئەکادیمی ۲۰۲۱-٢٠٢٢، پلانی بەرێوەبەرایەتی ئەکادیمی و دڵنیایی جۆری جێبەجێدەکات کە بەشێکی پلانەکە کۆرسی راهێنان و سیمیناری ژیانسازییە لە پێناو بەهێزکردن و گەشەپێدانی توانا و لێهاتووییەکانی قوتابیان.
پەیمانگەی تەکنیکی گەشە، ساڵی ٢٠١٦ دامەزراوە و بە یەکێک لە باشترین پەیمانگە ئەھلییەکانی کوردستان دادەنرێت و لە ئێستادا قوتابییان لە پێنج بەشی «دەرمانسازی، پەرستاری، ئینگلیزی، دروستکردنی ددان و
ژمێریاری» دەخوێنن.
   

کۆرسێکی تایبەتی “ئەتەکێتی ئەکادیمی” بۆ قوتابیانی پەیمانگەی تەکنیکی گەشە کرایەوە

لە ماوەی سێ رۆژدا کۆرسێکی “ئەتەکێتی ئەکادیمی” بۆ قوتابیانی پەیمانگەی تەکنیکی گەشە کرایەوە کە ژمارەیەکی بەرچاو لە قوتابیان سودمەندبوون.
بە مەبەستی رەخساندنی دەرفەتی پەرەپێدانی توانای قوتابیان، بەڕێوەبەرایەتی ئەکادیمی و دڵنیایی جۆری پەیمانگەی تەکنیکی گەشە کۆرسێکی “ئەتەکێتی ئەکادیمی” بۆ قوتابیانی قۆناغی یەکەمی پەیمانگەی تەکنیکی گەشە کردەوە.
لە کۆرسەکەدا هەریەک لە بەڕێزان “م. شەهێن جەمال مامۆستای ئینگلیزی، م. عبدالرحمن وەفایی و د. سوهەیلە محمد مامۆستایانی بەشی دەرمانسازی، م. جوان مەولود مامۆستای بەشی ژمێریاری، م. ئیمان محمد مامۆستای بەشی پەرستاری” چەند بابەتێکی گرنگیان لەسەر تەوەری سەرەکی کۆرسەکە پێشکەش کرد.
پەیمانگەی تەکنیکی گەشە بۆ ئەمساڵی خوێندنی ئەکادیمی ۲۰۲۱-٢٠٢٢، پلانی بەرێوەبەرایەتی ئەکادیمی و دڵنیایی جۆری جێبەجێدەکات کە بەشێکی پلانەکە کۆرسی راهێنانە لە پێناو بەهێزکردن و گەشەپێدانی توانا و لێهاتووییەکانی قوتابیان.
پەیمانگەی تەکنیکی گەشە، ساڵی ٢٠١٦ دامەزراوە و بە یەکێک لە باشترین پەیمانگە ئەھلییەکانی کوردستان دادەنرێت و لە ئێستادا قوتابییان لە پێنج بەشی «دەرمانسازی، پەرستاری، ئینگلیزی، دروستکردنی ددان و ژمێریاری» دەخوێنن.

لە زیندانەوە کچە قوتابییەک بڕوانامەی پەیمانگەی تەکنیکی گەشە بەدەستدەهێنێت

پاش تەواو کردنی دوو ساڵی خوێندن لە زیندانی چاکسازی هەولێر، کچە قوتابییەکی سزادراو بڕوانامەی دبلۆمی دوو ساڵە لە بەشی ئینگلیزی پەیمانگەی تەکنیکی گەشە بەدەستدەهێنێت.
رۆژی سێشەممە ٥/٤/٢٠٢٢ بە ئامادەبوونی کوێستان محەمەد وەزیری کارو کاروباری کۆمەڵایەتی و بەڕێوەبەری گشتی چاکسازی هەولێر و سەرۆکی دەستەی ئەمینداران و ڕاگرایەتی پەیمانگەی تەکنیکی گەشە، لە زیندانی چاکسازی هەولێر مەراسیمێکی رێزلێنان بۆ بەخشینی بڕوانامەی دبلۆمی تەکنیکی بە کچە قوتابییەک بەڕێوەچوو کە زیاتر لە حەوت ساڵی ژیانی لە زینداندا بەسەردەبات، و پاش خوێندنی قۆناغی ئامادەیی بە شێوەی خێرا، کۆتایی ئەمساڵی خوێندن بڕوانامەی دبلۆمی دووساڵەی تەکنیکی لە بەشی ئینگلیزی پەیمانگەی تەکنیکی گەشە بەدەستدەهێنێت.
لە مەراسیمەکەدا وەزیری کارو کاروباری کۆمەڵایەتی سوپاسی مامۆستایان و ستافە کارگێڕییەکانی قوتابخانەی خوێندنی خێرای رووناکی و بەشی ئینگلیزی پەیمانگەی تەکنیکی گەشەی کرد کە بە هەماهەنگی هەردوولا پرۆسەکە بە سەرکەوتووانە بەڕێوەچووە.
هەر لەو بارەیەوە د. ئەڤین فتاح حاجی مام ڕاگری پەیمانگەی تەکنیکی گەشە رایگەیاند: “ئەمڕۆ رۆژێکی مێژووییە بۆ کوردستان و جێگای خۆشحاڵیمانە کە بۆ یەکەمجارە کچە قوتابییەک لە زیندانەوە بتوانێت لە ماوەی سزادانەکەیدا بڕوانامەی دبلۆمی تەکنیکی پەیمانگە بەدەستبهێنێت”. وتیشی: “ئەم ئۆفەرە لە چوارچێوەی ستراتیجی ئەکادیمی و زانستی پەیمانگەدایە و ئێمە بە پێی پلانێکی ستراتیجی ساڵانە چەندین ئۆفەری جیاواز پێشکەش بە کوڕان و کچانی کوردستان دەکەین”.
قوتابییەکە ماوەی دوو ساڵی ڕابردوو هەر لە زیندانی چاکسازی هەولێر وانەکانی خوێندووە و بەشداری تاقیکردنەوەکانی کردووە، د. موئمین زەڵمی بەڕێوەبەری ئەکادیمی و دڵنیایی جۆری پەیمانگەی تەکنیکی گەشە و یەکێک لە مامۆستاکانی ئەو قوتابییە ڕایگەیاند: “لەگەڵ ئەوەی کە قوتابییەکەمان ئۆفەرێکی خۆڕایی لە لایەن سەرۆکی دەستەی ئەمیندارانی پەیمانگەی تەکنیکی گەشەوە بۆ دابینکرابوو، ئێمەش بە خۆبەخشی هەفتانە سەردانی چاکسازی هەولێرمان دەکرد و لە قوتابخانەی زیندانەکەدا وانەکانمان پێدەگوتەوە و پابەند بە رێنماییەکانەوە لیژنەی تاقیکردنەوەکانی پەیمانگە تاقیکردنەوەکانی بەڕێوەبردووە”. وتیشی: “قوتابییەکەمان ئاستێکی باشی هەبووە و توانیویەتی لە ریزبەندی یەکەمەکانی بەشەکەیدا ساڵی یەکەمی خوێندنی تەواو بکات و ئێستاش لە قۆناغی دووەمدا بە ئاستێکی باشەوە چاوەڕوانی سەرکەوتنەکانییەتی.”
وا بڕیارە لە چەند رۆژی داهاتوودا ئەو قوتابییە پاش تەواوکرد ی ماوەی سزادانەکەی ئازاد بکرێت و بگەڕێتەوە ناو خێزان و کەسوکاری و وەرزی کۆتایی خوێندنەکەی لە ناو هۆڵەکانی وانەوتنەوە لە پەیمانگەکە بەسەرببات.
پەیمانگەی تەکنیکی گەشە، ساڵی ٢٠١٦ دامەزراوە و بە یەکێک لە باشترین پەیمانگە ئەھلییەکانی کوردستان دادەنرێت و لە ئێستادا قوتابییان لە پێنج بەشی «دەرمانسازی، پەرستاری، ئینگلیزی، دروستکردنی ددان و ژمێریاری» دەخوێنن.